Rektori i Universitetit Bujqësor të Tiranës, Bahri Musabelliu është paraqitur sot në prokurori për të dëshmuar mbi akuzat e ngritura ndaj tij. Musabelliu është vënë nën hetim nga prokuroria për abuzim me tenderët.
Hetimi ndaj Musabelliut ka nisur pas dyshimeve se rektori i Universitetit Bujqësor ka përfituar fondet publike përmes praktikave korruptive të ndjekura në disa tenderime. Bëhet fjalë për rikonstruksionin e murit rrethues dhe të një porte të universitetit, për të cilat ishte lëvruar një fond prej 640 mijë dollarë, një pjesë e të cilave dyshohet se janë përvetësuar nga Musabelliu përmes personave të tretë.
Parregullsitë janë zbuluar nga agjentët e Krimit Ekonomik në Policinë e Shtetit, të cilët më pas i kanë kaluar materialet në prokurori./Opinion.al
