Gjykata e Tiranës, ka ndryshuar masën e arrestit për dy nga ish-zyrtarët e arrestuar për shkelje në 5 tendera të zhvilluara përgjatë viteve 2016-2017, që lidhen me Ministrinë e Drejtësisë.
Drejtori Ekonomik, Aurel Lamçë dhe specialisti i IT, Arlind Alikaj do të hetohen në masën arrest shtëpie, nga arrest me burg që ishte masa e parë,
Gjykata ka vendosur po kështu të lerë në fuqi masën “arrest shtëpie” edhe për Juliana Hoxhën, ish sekretaren e Përgjithshme në Ministrinë e Drejtësisë, si edhe specialistin tjetër të IT, Lusien Ali, i cili është shpallur në kërkim.
Ndërsa për 8 zyrtarë të tjerë, Gjykata caktoi masën “detyrim paraqitje”.
Zyrtarët do të hetohen për 5 tendera, si: Mirëmbajtja dhe mbikqyrja e sistemit ICMIS ne 7 Gjykatat Administrative; Përmirësimi i sistemit të mbikqyrjes elektronike në fushën penale, Përmirësimi, Zhvillimi dhe Mirembajtja e Regjistrit Noterial Shqiptar, Sistemi i Monitorimit me kamera për burgun e Lezhës dhe Fushë Krujës, si edhe Përmirësimi dhe mirëmbajtja e sistemit elektronik të çështjeve të përmbarimit.
Nga hetimet është zbuluar se përmes shpërdorimit të detyrës, zyrtarët i kanë shkaktuar shtetit një dëm të madh financiar. Ndëkohë që për këto tendera në Prokurori do të pyeten edhe tre ish-ministra të Drejtësisë. DL
