Një valë arrestimesh ka prekur Ministrinë e Drejtësisë orët e fundit.
Prokuroria e Tiranës ka prerë 8 fletë arreste, për zyrtarë të lartë të Ministrisë, midis tyre funksionarë dhe ish funksionarë, të cilët akuzohen për “Shpërdorim detyre” dhe “Shkelje të barazisë në tendera”.
Hetimi ka përfshirë periudhën kohore 2016-2017 dhe në bankën e të akuzuarve është edhe ish-sekretarja e Përgjithshme e Ministrisë së Drejtësisë, Juliana Hoxha.
Hoxha ishte kallëzuar penalisht edhe nga ish-ministri i Drejtësisë Gazmend Bardhi, për skandalin me tenderin e byzylykëve që lidhet me mbikqyrjen elektronike të të dënuarve.
Po kështu në hetim është edhe Ish-drejtori i Shërbimeve Mbështetëse Aurel Lamçe, si edhe specialistët e IT-së Lysien Ali dhe Arlind Alikaj.
Mësohet po ashtu se për të tetë personat në hetim është dhënë masa e arrestit në shtëpi.
Shtrirja e hetimeve përkon me kohën kur dikasteri drejtohej nga ish-ministrat Petrit Vasili dhe Ylli Manjani.
Sipas dosjes hetimore, janë pesë procedura tenderimi, ku janë evidentuar shkelje, konkretisht që kanë lidhje me shërbimin e kamerave në burgje si edhe mbi regjistrin noterial që nuk funksiononte. D,l
