Policia e Tiranës ka dhënë detaje lidhur me arrestimin e 4 punonjësve të Universitetit Buqësor të Tiranës, për abuzim me disa tendera.
Autoritetet bëjnë me dije se në pranga kanë rënë Ali Rasha, me detyrë Drejtor i Fermës Didaktike Eksperimentale në Universitetin Bujqësor Tiranë. Tahir Ballgjini me detyrë Përgjegjës i Sektorit të Bujqësisë. Rushit Suna, me detyrë specialist i sektorit të bujqësisë. Ahmet Mejdani, me detyrë magazinier në magazinën qendrore në Universitetin Bujqësor Tiranë.
Këta shtetas në bashkëpunim me njëri-tjetrin, në role të ndryshme, paracaktonin fituesin e tenderave, kryenin hyrje dhe dalje fiktive të mallrave në magazina, duke shpërdoruar detyrën.
Në cilësinë e provës materiale u sekuestruan një automjet në pronësi të shtetasit A. R. dhe 5 aparate celulare. Vijon puna për identifikimin e personave të tjerë të impikuar në këtë aktivitet kriminal./ Opinion.al
