Aborti është legalizuar në të gjithë Australinë, pasi shteti i fundit në të cilin ky proces konsiderohej i paligjshëm, Uellsi i Ri Jugor, ka votuar për ndryshim të ligjit.
Projektligji, që është miratuar të enjten, përmbys ligjin 119-vjeçar, i cili është kritikuar dhe cilësuar arkaik. Projektligji i ri ka nxitur debate të zjarrta për javë të tëra dhe ka krijuar ndasi të thella në qeverinë konservatore.
Më parë abortet në Uellsin e Ri Jugor janë realizuar vetëm nëse doktori ka vërtetuar se ekziston “rrezik serioz” për jetën e gruas, ndërsa tani lejohet ndërprimi i shtatzënisë deri në javën e 22-të apo edhe më vonë.
Kjo reformë është kundërshtuar ashpër nga disa aktivistë dhe ligjvënës, por edhe për shkak të shqetësimeve rreth aborteve në periudhë afatgjatë./Opinion.al
