Ambasadori britanik në Shqipëri, Nick Abbott në tryezën “Përtej monitorimit: Drejt një reforme zgjedhore gjithëpërfshirëse për integritetin e zgjedhjeve në Shqipëri”.
Pjesëmarrës në këtë tryezë janë edhe drejtuesi i SPAK, KQZ dhe Policisë, u shpreh se reformat zgjedhore në të ardhmen duhet të fokusohen në garantimin e një fushe të barabartë për të gjithë.
Abbott ndër të tjera theksoi se duhet të ketë më shumë transparencë për financimet e fushatave elektorale.
“Jam i kënaqur që do të kemi mundësi nëpërmjet raportit që të tregojmë disa prej sfidave që ende ekzistojnë. Të gjitha këto çështje që diskutojmë shkojnë në zemër të besimit të publikut për demokracinë në Shqipëri.
Ka disa çështje të cilat rrezikojnë pjesëmarrjen e të rinjve në zgjedhje, pra proceset elektorale janë një kombinim mes popullit dhe aktorëve politik. Reforma në të ardhmen duhet të fokusohet në garantimin që të ketë një fushë të barabartë për të gjithë.
Marrëveshje mes partive politike, përfshirë këtu grupet përfaqësuese të grave dhe pakicave dhe me këtë qëllim më duket se janë përsëritur shumë këto çështje, mendoj se duhet të ketë zhvillim më shumë në financim dhe transparencë në fushatat elektorale në mënyrë që njerëzit ta dinë se si financohen këto fushata dhe nga kush. Duhet të ketë mekanizma më të mirë për të parandaluar“, tha Abbott
Gjithashtu Abbot theksoi se parlamentarët duhet të veprojnë për ndryshim dhe shoqëria civile duhet të shtyjë për këtë ndryshim
“Duhet të ketë akses të barabartë në media dhe ku është akoma problem, sidomos për partitë e vogla. Megjithëse janë parti më të vogla kanë të njëjtat të drejta për akses tek mediat. Pronësia e medias nuk duhet të jetë problem për ta.
Gratë mbeten të nënpërfaqësuar në zgjedhje dhe mendoj që mandati katër-vjeçar duhet të jetë shumë i rëndësishëm përveç agjëndës së brendshme për anëtarësimin në BE për 2030 shohim edhe sfida të tjera për sigurinë europiane, ku Shqipëria ka një rol për të luajtur. Gjithashtu parlamentarët duhet të veprojnë për ndryshim dhe shoqëria civile duhet të shtyjë për këtë ndryshim dhe ne si partnerë ndërkombëtarë duhet ta mbështesim ndryshimin.
Unë e kuptoj që parlamenti i ri do të ketë shumë deputetët të rinj, dhe është ajo thënia që ‘gjelat e detit nuk votojnë për Krishtlindje’ dhe ndaj deputetët duhet të jenë mbrojtës ndaj një procesi të drejtë dhe duhet të jenë aktorë për ndryshim”, shprehet Abbott./tvklan
