Zëvendëskryeministri i Malit të Zi, shqiptari Dritan Abazoviç ka deklaruar se qeveria e Malit të Zi ka rinovuar kërkesën për të ekstraduar ish-presidentin e fundit jugosllav Zvetozar Maroviçin.
Në një konferencë për mediat, Abrazoviç tha se kërkesa e rinovuar për ekstradimin e Maroviç u dërgua në mënyrë që të krijoheshin marrëdhënie më të mira me Serbinë.
Maroviç, i akuzuar për korrupsion, dhe si kreu i një grupi që ndante ryshfete dhe leje ndërtimesh në qytetin më të madh turistik në vend, është konsideruar si “peshk i madh” i shtetit malazez. Ky zhvillim bëri që Mali i Zi të niste hapjen e negociatave me BE-në.
Maroviç kërkoi strehim politik në Serbi, ku ndodhet në ekzil prej 2016-ës dhe foli vetëm në fushatën e fundit zgjedhore. Ai përkrahu opozitën filo-serbe, kurse foli kundër ish-presidentit dhe një prej figurave politike të rëndësishme në Mal të Zi, si Milo Gjukanoviç.
