Pas Laçit dhe Vllaznisë, “viktima” e radhës e Luftëtarit është Flamurtari.
Gjirokastritët nuk po dinë të ndalen në këtë fazë të katërt të sezonit, duke arritur 3 fitore në po kaq javë. Në javën e 31-të të Kategorisë Superiore, Luftëtari mposhti Flamurtarin me rezultatin 2-1.
Një super gol nga Kristal Abazaj i siguroi 3-pikët e radhës të besuarve të Hasan Likës, që pas barazimit të Partizanit me Lushnjën, janë gjithnjë e më pranë Evropës.
Miqtë provuan të rihapin takimin me golin e Nedeljkoviç në minutën e 53-të, gol që vlen vetëm për statistikë.
Ndërkohë, Partizani nuk ka shkuar më shumë se një barazim 1-1 përballë Lushnjës.
Golat e takimit u shënuan në pjesën e dytë, me Pepa që zhbllokoi shifrat pas ekzekutimit të saktë të një 11 metërshi, ndërkohë që Batha një minutë nga fundi i siguroi një pikë jo me shumë vlera Partizanit, që vazhdon të rrëshkasë në klasifikim.
