Ish-kryeministri i Kosovës Ramush Haradinaj ka komentuar ngjarjet e fundit në veri të Kosovës dhe reagimin e njësisë speciale të Kosovës lidhur me ngjarjen e Manastirit të Banjskës.
Ndër të tjera, ai është pyetur nga gazetari Blendi Fevziu edhe në lidhje me fjalët, se të vrarët në manastrit janë qëlluar me snajper. “Nik kisha dashur me fol. Distanca është e afërt, pra është e mundur edhe me armë zjarri të gjata, por edhe me snajper”, u shpreh Haradinaj.
Ndër të tjera ai tha se besonte që operacioni nga grupi i armatosur ishte organizuar prej kohësh. “Unë besoj që këta e kanë ngritur këtë operacion përgjatë kohës. Kanë ardh pjesë – pjesë, por komanda ka ardhur këto ditë. Plani i tyre ka qenë një vendosje në terren dhe një zotërim i terrenit. Këta në një moment të caktuar kanë patur me e pa prezencën e tyre si një krah luftarak. Ky skenar është i përgatitur për të shpallur prezencën e tyre puyblike në veri”, pohoi Haradinaj./Opinion.al
