Mbrëmjen e djeshme në emisionin “Opinion”, për herë të parë në një rrëfim ekskluziv ka folur për 21 Janarin ish-Komandanti i Gardës së Republikës Ndrea Prendi.
Prendi ka deklaruar se Garda ka qenë nën presion të vazhdueshëm sepse vetë dritarja e zyrës së kryeministrit u qëllua nga plumba blindshpues. Nisur nga kjo, fotografi Feliks Bilani ka dërguar për Opinion.al foto të shkrepura po në 21 janar 2011 të dritares së zyrës së kryeministrit. Tabela e cila është paraqitur tek njëra nga fotot, tregon të dhënat e aparatit të fotografit Bilani për të vërtetuar autenticitetin.
Nuk dihet nëse ka qenë vërtetë plumb blindshpues, por nga pamjet e fotografit Bilani dallohet që dritarja e zyrës së kryeministrit është e goditur./Opinion.al
