Policia greke ka marrë gjatë në pyetje dy të arrestuarit si të përfshirë në vrasjen e Bledar Tërpollarit.
Emiljano Nana, 28 vjeç dhe Pajtim Jaupi, 27 vjeç, që të dy nga Tepelena pas marrjes në pyetje janë dërguar në burg.
Nga hetimet e policisë ka rezultuar se, Nana dhe Jaupi kanë qenë të pranishëm në vrasjen e 25-vjeçarit Tërpollari por nuk dihet ende roli i tyre specifik.
Nga dëshmitë e tyre vrasja është kryer nga Krenar Tërpollari, i cili është dhe kushëri i Bledarit. Ai besohete se ndodhet në Shqipëri dhe për këtë arsye po bashkëpunohet me policinë shqiptare për kapjen e tij, raporton panorama.
Dje, CNN në versionin greqisht raportonte se vrasja e shqiptarit që punonte si bari kishte ardhur për një shumë parash prej 20 mijë euro. Tërpollari nuk u kishte paguar trafikantëve të kokainës shumën e parave dhe për këtë arsye ata kanë porositur ekzekutimin e tij.
Nga dëshmia tronditëse e Emiljano Nana mësohet se kushëriri Krenar Tërpollari qëlloi fillimisht 25-vjeçarin me një shotgun dhe më pas i preu kokën me thikë.
