11 dhjetori shënoi mbajtjen e Kuvendit Kombëtarë të jashtëzakonshëm të PD, në të cilin, pas thirrjes së ish-kryeministri Sali Berisha, morën pjesë mijëra persona.
Pikërisht për grumbullimin e numrit të madh të qytetarëve ka folur ministrja e Shëndetësisë Ogerta Manastirliu. Në “Abc”, ajo është pyetur nëse Berisha duhet të gjobitet për grumbullimin e qytetareve, pasi kjo gjë shkel masat anti-COVID.
Ministrja u shpreh se duhen pyetur organet ligjzbatuese, ndërsa shtoi se aktivitetet e partive s’mund të prevalojnë ndaj misionit për të mbrojtur qytetarin nga COVID.
“Unë nuk i shikoj aktivitetet me parti, por i shikoj sa këto aktivitete zbatojnë rregullat anti-COVID, për këtë ministria e Shëndetësisë i përkthen në vendime dhe urdhra. Nëse jeni të interesuar mund të evidentoni me qindra raste që janë marrë masat andiminstrative. Sa i përket Kuvendit të 11 dhjetorit duhet të pyesim organet ligjzbatuese, unë nuk ndjek aktivitetet. Aktivitetet e partive s’mund të prevalojnë ndaj misionit që ne kemi për të mbrojtur qytetarin”, tha ministrja./ Opinion.al
