TIRANË- Është anuluar sot takimi i së mërkurës që mbahet gjithnjë një ditë para seancës plenare mes Kryeministrit Rama dhe Kryeparlamentarit Meta. Nuk ka ende deklaratë nga Kryesia e Kuvendit për shkakun e anulimit të takimit, por mediat kanë shkruar se ka qenë Meta ai që ka kërkuar të mos takojë Edi Ramën.
Gazeta Koha Jonë e Nikoll Lesit, shkruan se “Rama ishte njoftuar për anulimin e takimit, pasi ishte nisur për tek Meta”. Po sipas saj, kjo ndërprerje e komunikimit vjen në një moment kyç, kur dy aleatët në qeveri prej disa javësh nuk po gjejnë gjuhën e përbashkët për reformën në drejtësi. Negociatat po përfundojnë me tre palët, të ndarë.
