Lideri demokrat Lulzim Basha që shkon për herë të parë si kryetar partie në zgjedhje të përgjithshme të 2017-es, duke synuar të jetë kryeministri i ardhshëm duket se distancohet për herë e më shumë nga e kaluara në PD. I ftuar në emisionin e Sokol Ballës ‘Top Story’ ai u shpreh se duhet të ketë kufizim mandati për kryetarin e partisë. Gjithashtu ai u shfaq kritik ndaj Qeverisë së mëparshme të drejtuar nga Sali Berisha, kur tha se disa prej tyre nuk punuar për qytetarët por për vete.
“Kryetari i partisë duhet të votëbesohet çdo dy vjet”, tha ai “dhe maksimumi duhet të ketë 4 mandate”.
Pushtetin që do t’i kufizojë vetes është i gatshëm t’ia kalojë anëtarësisë. Kjo e fundit, shpjegon kryetari i Partisë Demokratike, do të thërritet të zgjedhë përmes primareve kandidatët për deputetë. Por Lulzim Basha nuk është i sigurt nëse do të arrijë ta aplikojë këtë në zgjedhjet e vitit 2017.
A do të vlejnë këto rregulla edhe për Sali Berishën?
Kryetari aktual i PD-së thotë se: “Ka qenë mendimi im personal që Berisha të jetë deputet i përhershëm por për zgjedhjet e 2017 kjo çështje do diskutohet nga forumet në parti.
I pyetur cili ishte gabimi kryesor i qeverisjes 8-vjeçare të demokratëve, ai pranoi se oligarkët përfituan në mënyrë të pandershme, ndërsa u harruan qytetarët.
Duke kthyer sytë nga e ardhmja, Basha e la hapur derën e bashkëpunimit me Lëvizjen Socialiste për Integrim të Ilir Metës. Por theksoi se cilat janë kushtet për atë që ai e cilëson si një aleancë më të gjërë se koalicioni politik i opozitës.
Duke rikonfirmuar bindjen se me këtë Kryeministër dhe me këtë Qeveri nuk mund të ketë zgjedhje të ndershme, Basha la të kuptohet se cila është lëvizja që pret prej LSI-së. AI tha se LSI sduhet të qendrojë gri, por duhet të zgjedhë o bardhë (PD) o zi (PS).
Në videon më poshtë deklaratat e plota të Bashës…
