Protesta e Partisë Demokratike që pritet të nisë në orën 12:00 përballë Kryeministrisë, me shumë gjasa do vazhdojë gjatë.
Opinion.al publikon disa foto të çadrave të sapo ardhura përballë Kryeministrisë, ndërsa ka nisur edhe montimi i tyre.
Demokratët e lidhin këtë vendim me një përpjekje për të detyruar kryeministrin Rama të japë dorëheqjen.
Opozita e akuzon kryeministrin për mungesën e vullnetit për realizimin e zgjedhjeve të lira e të ndershme, por nga skenari i 18 shkurtit tani për tani njihet vetëm koha e nisjes së protestës.
“Fillimi i protestës është përcaktuar nga Partia Demokratike, nga opozita në orën 12:00. Qytetarët janë ata të cilët do të vendosin kohëzgjatjen dhe mbarimin e protestës, pa dyshim me fitore. Me fitore qytetare, të kauzës qytetare”, tha Basha.
