“Ekspertiza mjeko-ligjore nuk ka vertetuar faktin se Ardit Gjoklaj ka gjetur vdekjen nga shtypja e eskavatorit”. Portali “360Gradë” shkruan sot se në raportin e ekspertëve mjeko-ligjore thuhet se “gjurmët e gjakut në kovën e ekskavatorit dhe zinxhirët nuk rezultojnë të jenë të njëjta me ato të 17 vjeçarit, Ardit Gjoklaj”.
“Mosgjetja e gjurmëve të ADN-së së Arditit në këto mbetje, mund te kete ndodhur per faktin se i riu dyshohet se eshte aksidentuar në 04:00 të mengjesit dhe deri në ora 14: 35 kur eshte gjetur trupi, eksavatori ka lëvizur nëpër landfill duke humb keshtu gjurmet e tij direkte…”, shkruan më tej 360 Gradë.
Por sa i besueshëm është fakti se Arditi nuk ka humbur jetën, i aksidentuar nga eskavatori, kur trupi i tij u gjet i gjymtuar në landfill?
Sa e besueshme është kjo kur firma “3K” mohoi faktin se Arditi ishte i punësuar aty, për të fshehur faktin se kishte punësuar të mitur jashtë çdo lloj kushti sigurie?
Por gjithsesi, raporti në fjalë bazohet në burime gazetareske. Mbetet për tu parë raporti zyrtar që Mjekësia Ligjore do të dërgojë në Prokurori.
Aktualisht për vdekjen e 17 vjeçarit po hetohen: përgjegjësi i firmës “3K”, që punonte në landfillin e Sharrës, Besnik Braha, përgjegjësi i turnit, Dëfrim Hakrama dhe manovratori i ekskavatorit, Edmond Kallari. Ata janë me masën e sigurisë “arrest me burg” për akuzën “shkelje e rregullave të sigurimit në punë”. Përgjegjësi i punëtorëve, Bujar Daja po hetohet në gjendje të lirë. Asnjëri nga personat e larpërmendur nuk i kanë pranuar akuzat në gjykatë kur kanë dalë për masën e sigurisë.
Ndërsa pronari i firmës “3K”, Adurim Teqja është person i shpallur në kërkim dhe nuk dorëzohet në polici edhe pse ushtron dhe një funksion politik, si kryetar i PS-së në Peqin. /Opinion.al
