Kreu i KQZ-së, Ilirjan Celibashi, në një deklaratë për mediat, është pyetur sot nga gazetarët edhe për aplikacionin e krijuar nga Partia Socialiste “Aktiv1sti” nëse përbën shkelje të kodit zgjedhor.
Celibashi u përgjigj duke thënë se nuk ka asnjë denoncim apo ankim në KQZ për këtë çështje dhe se nëse do jetë objekt i shqyrtimitnga KQZ do të vlerësohet nëse përbën shkelje të ligjit apo jo.
“Në KQZ nuk është paraqitur asnjë denoncim, asnjë ankim në lidhje me këtë çështje. Natyrshëm nuk mund të them në këtë moment sa kohë nuk kam disponuar me vendimmarrje në lidhje me këtë çështje.
Nëse do jetë objekt i shqyrtimit kjo çështje në KQZ do ta vlerësojmë nëse ka shkelje të ligjit apo jo. Si për këtë rast, apo dhe për rastet e tjera, për sjelljet e partive politike dhe për sjelljen e institucioneve”, tha Celibashi.
