Gjiri përbehet prej indeve dhjamore, pra nuk është as më pak e as më shumë sesa yndyrë. Ushtrimet mund të tonifikojnë muskujt e kraharorit por nuk rrisin masën e gjoksit. Shtimi i peshës mund të rrisë lehtësisht gjoksin, por ndaj metodave që premtojnë mrekullinë brenda natës duhet të jeni dyshues.
Një proces natyral
Një rritje në nivelet e estrogjenit dhe progesteronit pas fillimit të kontraceptivëve, mund të shkaktojë ndryshime në gji. Këta të fundit do të fryhen, do të ndihen më të tendosur dhe mund të ndjeni dhimbje të lehta, por sërish pas ndërprerjes së tyre forma e gjoksit rikthehet si më parë.
Gjoksi do ta humbasë elasticitetin gjithsesi. Është një proces natyral që nuk mund të parandalohet. Për fatin e keq të femrave gjoksi plaket dy deri në tre vjet më shpejtë sesa pjesa tjetër e lëkurës. Kjo ndodh për shkak të kolagjenit. Proteina e bukurisë pas moshës 25 vjeçare fillon e reduktohet ndjeshëm.
Ndryshimi i gjoksit me kalimin e viteve
Struktura e gjoksit ndryshon me kalimin e viteve dhe kjo gjithçka falë ligamenteve dhe muskujve në zonën e dekoltesë. Ashtu si të gjitha indet në trupin tuaj dhe ato të gjoksit përbëhen nga kolagjeni dhe elastina, prodhimi i të cilave reduktohet me moshën. Mos u gënjeni nga asnjë produkt apo truk, pasi asgjë nuk mund ta ndalojë gjoksin të humbasë elasticitetin.
Megjthatë ju mund të hiqni dorë nga disa vese që shkaktojnë rënie më të shpejtë të gjoksit. Pirja e duhanit ngadalëson qarkullimit të gjakut, gjë e cila reflektohet me humbje elasticiteti dhe krijimin e rrudhave. Mospërdorimi i kremit mbrojtës te qafa apo dekolteja gjithashtu ndikon. Kremin e fytyrës duhet ta aplikoni gjithnjë edhe në qafë apo gjoks./Living.al
