Në Shqipëri kemi problemin se televizionin publik e shohin shumë pak njerëz.
Po ashtu jemi të shqetësuar se sa herë na jepet mundësia t’ia hedhim sytë, siç mund të ndodhte në rastin e Evropianit, kjo nuk ndodh.
Megjithatë në vendet perëndimore kanë një tjetër shqetësim kur bie fjala tek televizioni publik.
Rrjeti gjerman, ZDF, u kritikua për një program të titulluar “Make Love”, ku çiftet, hetero apo gej, bëjnë seks përpara kamerave, duke marrë leksione se si seksi të jetë sa më i mirë.
“Seksi nuk mësohet, është diçka e lindur,” ironizonte gazeta Bild.
Por tashmë një program i Channel 4 në Britani ka shkaktuar shumë reagime.
“Naked Attraction” është një program ku konkurrentët zhvishen plotësisht, për të eksploruar tërheqjen fizike.
Programi drejtohet nga Anna Richardson, që thotë se nuk ka kurrfarë problemi me nuditetin.
Koncepti bazë i programit është ky: Një mashkull dhe një femër duhet të përzgjedhin mes gjashtë trupave të zhveshur.
Me personin që kanë zgjedhur, nisur nga fiziku, dalin në një takim për të provuar nëse instinkti fillestar ishte korrekt.
Sipas Daily Mail, ky program provon se televizioni publik nuk mund të bjerë më poshtë./Mapo
