Kryeministri Edi Rama është pyetur pas mbledhjes së zhvilluar në selinë e PS-së për ish-zyrtarin e FBI, Charles McGonigal.
Gjatë fjalës së tij, Rama theksoi se nëse do të kthehej pas në kohë do e takonte sërish McGonigal si një zyrtar nga një vend aleat, siç është SHBA.
Pyetje: McGonigal është dënuar me 28 muaj burg sepse u provua ndryshe nga ajo që keni thënë ju për marrjen e parave nga Agron Neza? A mendoni se do hetoheni për këtë rast, sepse McGonigal është dënuar sepse në një farë mënyre është korruptuar nga kryeministri i Shqipërisë.
“Unë në prononcimet e mia lidhur me këtë rast i jam referuar pikë për pikë çfarë është thënë në dokumentat zyrtare në SHBA, sepse vetë nuk kam pasur dijeni me ato që janë thënë”, tha Rama.
Pyetje: Prokurorja tha se paratë janë dhënë për të krijuar lidhje me zyrtarët shqiptarë? Ju e keni takuar.
“Do e takoja sa herë të kthehesha prapa, sepse po të më kërkohen takime nga zyrtarë të vendeve aleate, do i mirëpres gjithmonë.
Te kjo çështje duhet ta pranoj se ja keni futur kot”, u shpreh Rama./Opinion.al
