Aktualitet

A kërkon Fatos Nano Presidencën? Flet Rama


Bëhu pjesë e Grupit Zyrtar të Opinion.al
>> KËTU <<
               Publikuar në : 12:43 - 09/02/21 |
Doriana Çepunaj

Kryeministri Edi Rama ka folur në konferencën e sotme për marrëdhënien që ai ka sot me ish-kryeministri Fatos Nano. I pyetur nga gazetarët nëse ai aspiron Presidencën, Rama tha se jo të gjithë politikanët kanë çmim.

“E di çmimin tim? Se normalisht të jem edhe unë pjesë e këtij eksperimenti që ka dalë me konkluzionin që të gjithë e kanë një çmim. Unë nuk kam asnjë çmim. Dhe po them me bindje jo të gjithë kanë çmim, politikanët nuk janë të gjithë njësoj, siç nuk jeni ju të gjithë njësoj“, tha Rama.

Më tej, Edi Rama tha se ish-kreu i PS, Fatos Nano i jep opinione për çështje dhe vendime të ndryshme sa herë ka nevojë.

“Unë me Fatos Nanon kam një marrëdhënie që është një marrëdhënie shumë e bukur sot. Sepse nuk ka në mes asnjë interefencë nga loja e shahut politik mes aktorëve. Ai me vullnetin e tij është çuar nga tavolina e shahut dhe ka zgjedhur të tërhiqet me një dorëheqje pas një fushate elektorale. Dhe për mua Fatos Nano është pikë referimi që ai ka qenë këtu ku jam unë, dhe duke qenë i zhveshur nga interesat dhe dinamikat e brendshme të imponuara të çdo aktori që është në tavolinën e shahut ka të gjithë qetësinë për të më dhënë opinionet e duhura kur ja kërkoj. Jam unë që kërkoj opinionet e tij, nuk është ai që ofrohet në rast se unë nuk ja kërkoj. Dhe e vërteta është që diferenca në këtë rast është se ai nuk e ka pasur një paraardhës me eksperiencën e duhur dhe talentet e duhura për të nxjerrë përfundime. Unë e kam, është një aset dhe është një fat dhe kënaqësi që në këtë detyrë të kesh mundësi të komunikosh me ata që e kanë pasur këtë detyrë përpara. Të gjithë ata që nuk kanë jetuar majën kujtojnë se në majë bëhet qejf, mbretërohet edhe çdo gjë shkon fjollë dhe jepen thjesht urdhra. Në majë je vetëm dhe erërat fryjnë nga të katër anët dhe kur duhet të marrësh vendime kyçe dhe të gjithë të tjerët rrotull nuk ekzistojnë. Jo se nuk duan, ata aty janë, por në fund je vetëm ti që do të marrësh vendim”, tha Rama./ Opinion.al

Pas