Aktualitet

“A keni ligj për të drejtat e njeriut”, Faruk Baybasin mbetet në burg


               Publikuar në : 11:49 - 21/01/20 |
Al Do

Faruk Baybasin ka dalë sot para Gjykatës së Tiranës për rivlerësim të masës së sigurisë ndaj tij pas përfundimit të afatit 40 ditor nga ndalimi i tij.

Pjesëtar i një prej familjeve më famëkeqe të Turqisë për trafikun e heroinës, ai u ndalua nga autoritetet shqiptare në pikën kufitare të Rinasit teksa përpiqej të hynte në Shqipëri. Ndaj tij ka një dënim me 30 vite burg nga gjykata franceze e Loire Atlantique për trafik të heroinës në Evropë përgjatë viteve 1994 -1995.

Faruk Baybesin, 53-vjeç është pjesëtar i familjes Baybesin që dikur drejtohej nga Husein Baybesin dhe që njihej si “Eskobarët e Europës”.

Gjatë seancës së sotme ai ka kërkuar të lirohet sepse sipas tij nuk ka qenë asnjëherë në Francë. Për këtë ai pati dhe një debat me gjyqtarin Gert Hoxha.

Baybašin: Dua të bëjë një pyetje. A është në fuqi ligji për të drejtat e njeriut në Shqipëri? Unë nuk kam qenë asnjëherë në Francë.
Gjyqtari Gert Hoxha: I kemi të gjitha ligjet, madje ligje që ju nuk i keni në Turqi.
Baybašin: Kam 40 ditë këtu, duhet të isha liruar, në bazë të të drejtave të njeriut.
Gjyqtari: Kur të shkoni në Francë kërkoni ndryshimin e vendimit, i cili u mbaron në vitin 2043. Ndaloj ekstradimin në Francë vetëm nëse rezulton gjatë gjykimit që nuk mund të bëhet një gjë e tillë.

Në fund të seancës gjykata vendosi masën e sigurisë “arrest me burg” pa afat për të ndërkohë që autoritetet franceze kanë kërkuar ekstradimin e tij. Seanca e radhës është caktuar për në datën 4 shkrut. /Opinion.al

Pas