Vangjush Dako la të hapur mundësinë që të ketë qenë në shtëpinë e personave të arrestuar për trafik droge, kur në studion e Opinon, u pyet nga Çlirim Gjata për këtë fakt. Kryebashkiaku, që thotë se nuk e di se çfarë përgjimesh ka bërë prokuroria, nuk e mohoin se ka enë
“Unë kam qenë në çdo shtëpi të durrsakëve, kam qenë në çdo shpi për vizitë me fushatë jashtë fushate. Unë jam te qytetarët e Durrësit, kur s’kanë ujë, s’kanë drita.. i shkoj për vizitë” tha Dako, që gjatë përballjes me gazetarët, po përpiqet t’i tregojë se komunikimi me njerëz të inkriminuar është shumë normal në fushata.
I pyetur nga gazetari Blendi Fevziu nëse ka folur me anëtarë të bandës së Avdylajve në Shijak, Dako tha se takon me persona të ndryshëm për të marrë sa më shumë vota.
Vangjush Dako pranoi se në zgjedhje kërkon mbështetje nga të fortët. “Nuk do t’i kërkoj dëshmi penaliteti votuesve” kur u vu përballë përgjimeve të prokurorisë, në bisedat me të arrestuarit për trafik droge, pjesë e grupit të Shijakut.
Blendi Fevziu: Keni folur ju me këta persona?
Vangjush Dako: Unë jam kryetar i Bashkisë së Durrësit, jam njeri i zgjedhur me votë dhe për të marrë votën do komunikoj me çdo qytetar të Durrësit. Në çdo qendër elektorale unë marr listën e zgjedhësve. Shkoj dhe takoj çdo njeri i cili ka reputacion, apo është njeri i famshëm i asaj familje dhe ka mundësi të më ndihmojë me zgjedhjet. Shkoj në çdo qendër elektorale. I marr kontaktet për t’i kërkuar votën.
Blendi Fevziu: E dinit që ishin persona me precedent penal?
Vangjush Dako: Kur kërkoj votën nuk shikoj as diplomën, as dëshminë e penalitetit. Nuk i kam parë ato përgjime, kam folur me qytetarët në zgjedhje.
Blendi Fevziu: Keni bërë pazare për zgjedhjet?
Vangjush Dako: Asnjë pazar fare. Jam udhëheqës politik i qarkut Kukës.
Blendi Fevziu: I keni bërë favore këtye personave?
Vangjush Dako: Asnjë person nuk ka marrë asnjë favor nga Vangjush Dako kundra ligjit. Për mua s’ka bir kurve që të ma kalojë sa shumë flas në telefon.
