A kemi frikë nga vdekja? Fjalët emocionuese të Zhejit për prindërit(video)

Mbrëmjen e sotme në Opinion flitet për nocionin e vdekjes, i titulluar “A kemi frikë nga vdekja?”. Artur Zhejit nuk ka fol vetëm për nocionin por ka treguar edhe eksperiencën personale me fjalë shumë emocionuese. “Më ikën dy prindërit brenda 6 muajve…Është traumë e madhe. Nuk i kam harruar por mund të them diçka se koha shëron. Nuk bëhet fjalë për harresë, por për një pamundësi për të jetuar në çdo çasht me këtë humbje. Vetëm ata që kanë një jetë krejt të zbrazët nuk mund ta kalojnë dhimbjen e tejskajshme”, tha Zheji. Më tej ai tregoi momente prekëse kur i ati i thoshte: “Mos ki frikë për mua, do shkoj në jetën e përtejme. Unë besoj shumë më tepër sepse babai im në asnjë moment nuk u lëkund. Atë siguri dhe qetësi që pati ai, ishte admirueshme… Më tha se do të lë vetem në një botë shumë të keqe…”, citoi Zheji, fjalët e fundit të të atit para vdekjes.