Nga fillimi i bllokimit nga koronavirusi, foto të rreme që pretendonin se delfinët po notonin në kanalet veneciane të famshëm, përmbytën mediat sociale. Por çfarë ka ndodhur me të vërtetë në kanalet e Venecias?
Izolimi dhe bllokimet që kanë vazhduar për 2 muaj, kanë bërë që ujrat në Venecia të duken më qartë. Jeta detare e cila nuk është parë në qytet për shumë vite, tani është e dukshme. Disa kritikë kanë thënë që ujërat nuk janë më të pastër, por sedimenti që zakonisht nxitet nga varkat, thjesht është fundosur thellë.
Përfitimet ekologjike nga bllokimet janë atje, edhe nëse ato nuk janë të lehta për t’u parë. Ndërsa nuk ka delfinë që shfaqen në kanale (dhe mjellmat që raportohet të jenë ‘kthyer’ në qytet, kanë jetuar atje për shumë vite), organizmat e tjerë mund të kenë përfituar nga mungesa e turbullirës në ujë dhe niveleve të ulëta të ndotjes së përgjithshme.
Përmirësimet e ardhura nga mbyllja mund të jenë katalizatorë për ndryshim
Një raport nga Parlamenti Europian në shkurt 2019 përshkroi nivelet e ndotjes së ajrit dhe ujit në Venecia si ‘shqetësuese’. Ndikimi mjedisor i bllokimeve me siguri nuk ka siguruar një ilaç të menjëhershëm, megjithatë, ai mund të jetë një fillim i mirë për ekosistemin venecian, sipas themeluesit të Laboratorit të Venecias, Govanni Ceçoni.
Me më shumë dritë që tani arrin në fundin e kanaleve, bimësia atje po fiton përfitime afatgjata, sipas Ceçoni, një inxhinier socio-ekologjik.
Dhe bllokimi mund të dëshmojë gjithashtu se është një katalizator për ndryshime, duke nxitur nisma të mëtejshme për të mbrojtur lagunën.
Një nga projektet për të cilin po punon, synon të pastrojë ujin dhe të zvogëlojë turbullirën në lagunë. Këto çështje janë ndër nxitësit më të rëndësishëm të rënies së cilësisë së ujit, thotë ai. Përfundimisht, ai shpreson t’a kthejë rigjallërimin e lagunës, në një sukses socio-ekonomik me përmirësimet ekologjike që çojnë në më shumë mundësi punësimi, duke siguruar punë për peshkatarët./Opinion.al
