Sekretari i Partisë Socialiste, Damian Gjikunuri në një dalje për mediat ka dhënë detaje për atë që është diskutuar në mbledhjen e sotme të sekretariatit të ri të PS me kryeministrin Edi Rama.
Gjiknuri deklaroi se në këtë mbledhje është diskutuar për projeksionet e reja për t’iu përgjigjur si duhet pritshmërive në mandatin e tretë.
“Me fillimin e punës për riorganizimin e PS ku së bashku me sekretarët e rinj do të fillohet një proces i vazhdueshëm, duke vazhduar me analizat dhe duke ristrukturuar PS-në për sfidat në mandatin në vazhdim. Ky mandat është më i vështirë se është i treti. Qëllimi i afatit 100-ditor ishte pikërisht përmbyllja e analizave të nisura nga Kongresi dhe lënia kohë PS-së për të përgatitur vizionin e ri dhe për të dalë me një platformë e cila do të dojë vite për tu implementuar”, tha Gjinkuri.
Gjiknuri tha se analiza për zgjedhjet e 25 prillit do të zgjasë deri në fund të vitit, dhe viti tjetër do ta gjejë PS-në edhe me statut të ri. “PS do te ketë një statut të ri dhe një organizim të ri. Mandati i tretë siç e ka thënë edhe Rama është i vështirë dhe ka pritshmëri. PS ka një eksperiencë të madhe por ka pasur edhe probleme që duhet të reflektohen”, vijoi ai.
I pyetur nëse ka pakënaqësi në PS për ndryshmet e reja që u njoftuan në Asamble, Gjiknuri tha: Nuk e di të ketë pakënaqësi. Ndarja e dy funksioneve me Taulant Ballën është bërë në funksion të ri organizmit të partisë dhe nuk ka pasur qëllim të zvogëlojë apo të rrisë një politikan tjetër./Opinion.al
