U bë rreth një vit e gjysëm tashmë që familja mbretërore prodhon vetëm lajme me natyrë skandaloze. Qëkur Meghan u bë pjesë e familjes, babai dhe motra e saj e kanë sulmuar vazhdimisht në media. Jo rrallë herë është përfolur për një marrëdhënie jo të mirë mes kunatave Meghan dhe Kate. Së fundmi, duket se Meghan ka futur në sherr edhe dy vëllezërit William dhe Harry.
Por le të kthehemi pak te skandalet që përfshinë familjen mbretërore angleze rreth 25 vite më parë. Është e ditur që zemra e Princ Charles, pavarësisht se ishte martuar me Lady Dianën, i përkiste Kamilës. Historia e tyre e koklavitur dhe si përfunduar në krahët e njëri –tjetrit përgjithmonë është e famshme. Por ajo që nuk dinim, është fakti që Charles dhe Kamila mund të kenë një djalë.
Në mediat e huaja po bën bujë lajmi që një një 52 vjeçar pretendon se është i biri i tyre. Sipas Simon Dorante, ai ishte fryti i dashurisë së paligjshme e Charles dhe Kamila gjatë kohës që Princ Charles ishte martuar me Dianën. 52 vjeçari i cili është rritur në Australi thotë se ata të dy e kanë sjellë në jetë kur ishin 18 vjeç, dhe më pas e kanë dhënë për adoptim.
Simon Dorante thotë se gjyshja e tij adoptuese punonte për mbretëreshën Elizabeth dhe princin Philip. Ka qenë ideja e tyre për ta “hequr qafe” dhe për t’ja dhënë foshnjën Karen dhe David Day. Simon Dorante thotë se edhe Lady Diana ka qenë në dijeni të ekzistencës së tij, dhe ka prova të pakontestueshme për këtë. 52 vjeçari kërkon që çifti mbretëror të bëjë analizat e AND-së që të vërtetohet fjala e tij./E.L
