Autor i 3 vrasjeve dhe 3 plagosjeve, Dan Hutra nuk njeh pendesë për krimet e rënda që tronditën Tiranën më 1 Mars 2023.
Në një intervistë nga burgu për emisionin Uniko me gazetarin Spartak Koka në Klan Plus, Dan Hutra thotë se nuk ka pendesë për vrasjet.
Për të vetmin person që pendohet është kunata e ish-gruas Alketës, të cilën e vrau me thikë në oborrin e shtëpisë edhe pse ishte shtatzënë.
Spartak Koka: Për gjithë këto krime që ke bërë tani më 1 Mars 2023, a ke ndonjë lloj pendese?
Dan Hutra: Absolutisht jo. Unë them s’kam mbaruar punë, ky thotë a ke pendesë. Seriozisht e ke? Unë pendesë kam vetëm për atë vajzën nga Kukësi, ta thashë edhe dje, i kërkoj falje të madhe familjes edhe pse falja ime te ato nuk bën dobi. Se ata kanë një dhimbje, kanë humbur njeriun e dashur. Do jepje gjithçka që mos kishte ndodhur, mos të ishte bërë viktimë e asaj familje.
Spartak Koka: Po ishte shtatzënë o Dan, e dije që ishte shtatzënë?
Dan Hutra: Po ku dija unë. Unë jam betu mos me vra vetëm kalamajtë. Edhe po të vrisja kalamaj, mund të vrisja veten. Për asgjë tjetër Dan Hutra nuk e vret veten. Por po të vrisja kalamaj të pafajshëm, për Zotin edhe mund ta vrisja veten./ Tv Klan
