Prej kohësh është përfolur një lidhje e mundshme mes artistëve Ronela Hajati dhe Young Zerka, të cilët i kemi parë së fundmi edhe në bashkëpunime muzikore.
Zerka u përfol se u nda nga e dashura që kishte prej disa vitesh dhe pas saj u lidh me Ronelën.
E ftuar në emisionin “Rudina” në Tv Klana, Ronela Hajati i ka dhënë përgjigje pyetjes së drejtpërdrejtë nëse ata të dy janë apo jo të lidhur,
Ronela tha se “Zerka është një mik shumë i afërt me mua. Ai ka një lloj stili që e kanë pak veta….” – duke iu shmangur pak e sikletosur pyetjes së drejtpërdrejtë.
Por Rudina Magjistari vijoi të këmbëngulë: “Domethënë mes jush nuk ka më shumë se sa miqësi, nuk keni një lidhje dashurie?”
“Jo…”, – mohoi Ronela duke vijuar se nuk do të flasë më shumë për jetën e saj private.
