Ekipi i Fiorentinës dhe i Cagliarit kanë tërhequr numrin 13-të nga fanellat e skuadrës. Kjo vjen menjëherë pas vdekjes së Davide Astori, i cili mbante pikërisht këtë numër.
Në profilin e Tëitter të të dy skuadrave italiane ku Astori ka luajtur, shkruhet: “Në nderim të kujtimit të tij dhe për ta bërë atë të pashlyeshëm.”
Numri 13 në fakt gjithmonë është konsideruar si numër tersi. Legjendat në lidhje me fatkeqësitë të lidhura me të, janë të shumta dhe Astori e ka mbajtur fanelën me numër 13 në të dyja skuadrat me të cilat ka luajtur. Ka prej atyre të cilët e lidhin vdekjen e kapitenit pikërisht me këto legjenda.
Tërheqja e numrit 13-të është nisma e parë e marrë në nderim të tij që prej të dielës kur ndërroi jetë.
Gjithashtu UEFA ka vendosur që në të gjitha ndeshjet e Champions League dhe të Europa League të kësaj jave do mbahet një minutë heshtje për Davide Astorin.
