Çdo ditë dëgjojmë dhe lexojmë gjëra të çuditshme në internet. Sot kushdo mund të bëjë doktorin, dietologun, estetistin, kirurgun dhe të ndajë me të tjerët opinionin personal dhe këshilla. Një trend i ri që po përhapet mes Youtube-rave femra, është që nëse aplikoni pastë dhëmbësh te gjinjtë tuaj, ato do të zmadhohen.
Një përdoruese me pseudonimin Naturalbeauty556, videoja e së cilës ka marrë 7.7 milion klikime, së fundmi ka publikuar një video me titullin “Si të tonifikoni gjoksin e varur në 5 ditë me pastë dhëmbësh, pa shaka.” Në video ajo thotë se përzjerja e disa produkteve si pastë dhëmbësh, miell, të bardha veze dhe kastravec, nëse aplikohet te gjoksi do e bëjë atë më të mbledhur dhe të ngritur. Sipas saj, pasta e dhëmbëve mbyll poret dhe shtrëngon lëkurën.
Një tjetër përdoruese me pseudonimin Susana Home Remedies ka postuar një video që ka marrë mbi 3 milion klikime. Në video ajo shpjegon se masazhimi i gjoksit me vaselinë dhe i thithkave me pastë dhëmbësh do e bëjë atë me të bukur dhe do rrisë masën. Përdoruesja sugjeron të aplikohet çdo natë deri sa të shihni rezultate.
https://www.youtube.com/watch?v=llT-9-G3SIQ
Mjekët kanë reaguar ndaj këtyre videove duke thënë se pasta e dhëmbëve do të japë një rezultat të përkohshëm, por në momentin që do ta pastroni nga lëkura do t’ju lërë vetëm ndjesinë e freskisë e asgjë tjetër./Opinion.al
