Cristiano Ronaldo ka treguar se asnjëherë nuk i ka bërë 3 mijë pompa në ditë
Ylli i Real Madridit, Crsitiano Ronaldo, njihet si lojtari më punëtor në histori të futbollit, që sipas shumë analistëve, ai është këtu ku është falë punës së palodhshme.
Më parë raportohej se portugezi krahas shumë ushtrimeve, bën edhe shumë pompa, që raportohej për 3 mijë të tilla në ditë. Megjithatë, një gjë të tillë e ka hedhur poshtë vet Cristiano Ronaldo.
“Gjëja më e mirë për të konkurruar për gjithçka, është të stërvitesh me inteligjencë, me entuziazmin më të madh dhe gjithmonë të punosh në maksimum. Unë nuk e ndryshoi shumë mënyrën time të stërvitjeve”, tha Ronaldo.
“Nuk është e vërtet që bëj 3 mijë pompa në ditë. Zakonisht ushtroi tre ose katër herë gjatë javës, nuk e di madje nëse e arrij një mijë në javë”, shtoi më tej Ronaldo.
