Në agjensinë informative të lajmeve ligjore ‘Law360’, është publikuar lajmi në lidhje me vendimin e çështjes ‘Becchetti kundër shtetit Shqiptar’ që Gjykata e Qendrës Ndërkombëtare për Zgjidhjen e Mosmarrëveshjeve të Investimeve (ICSID) ka marrë më 24 Prill 2019.
Avokatët e palës mbrojtëse (Becchettit) konfirmojnë se sipas vendimit të gjykatës Shqipëria do ti paguajë 111 milion euro biznesmenit italian dhe bashkë-paditësve të tjerë për shpronësimin e investimeve të tyre në Tiranë.
Në artikull shkruhet se të mërkurën avokati i palës paditëse tha se gjykata arriti në përfundimin se “kur merren së bashku, të gjitha çështjet e diskutuara … mbështesin fuqishëm përfundimin se vendimet e sekuestrimit ishin kulmi i një fushate politike kundër paditësve”.
Vetë Becchetti ka vlerësuar vendimin e gjykatës i cili erdhi pas një beteje 4 vjeçare. Partnerja e tij në ekipin ligjor, Debevoise & Plimpton LLP Catherine Amirfar, përshëndeti vendimin e gjykatës duke thënë se “Ky vendim është një vërejtje e fortë kundër sjelljes së paligjshme të Autoriteteve shqiptare për të sulmuar mediat e pavarura dhe na kujton të gjithë vitalitetin e vazhdueshëm të sundimit të ligjit.”
Autorët e artikullit informativ ligjor janë përpjekur të kontaktojnë avokatin e Shqipërisë por ai nuk ka qenë e mundur të arrihet.
Ky vendimi vjen dy vite pasi gjykata e ICSID kërkoi nga Shqipëria që të ndalojë procedurat e ekstradimit kundër Becchetti-t në lidhje me hetimet tatimore dhe penale.
I pyetur në lidhje me këtë çështje para pak kohës në emisionin Opinion, Kryeministri tha: “Deri në mbarim të procesit, palët nuk shprehen. Dhe ka një kaluzolë konfidencialiteti që detyron palët të mos shprehen, është gjykata apo arbitrazhi që në përfundim të procesit do shprehet. Për momentin kemi portalet”.
Tashmë prej dy ditësh ky vendim është konfirmuar nga ana e avokatëve të Becchettit dhe Shqipërisë i mbetet një faturë prej 111 milion eurosh për një vendim, mesa duket jo të ligjshëm të ndërmarrë nga qeveria.
Law360 është një agjensi informative ligjore e cila drejtohet nga Portofolio Media, një nënndarje e LexisNexis, kompania e databazën elektronike më të madhe në botë për informacionet e cështjeve ligjore.
Çështja është Hydro Srl dhe të tjerët kundër Republikës së Shqipërisë, numri i çeshtjes ARB / 15/28 në Qendrën Ndërkombëtare për Zgjidhjen e Mosmarrëveshjeve të Investimeve. /Opinion.al
