Gazetari Artan Hoxha ka folur lidhur me rolin e Adiola Lakrës në ekzekutimin e Hekuran Billës mbrëmjen e 11 qershorit në zonën e Komunës së Parisit. 26-vjeçarja nga Berati është arrestuar nga policia nën dyshimin se ka qenë personi që ka nxjerr në pritë Billën tek ekzekutorët e tij. Por ndërsa ka vënë në dyshim lajmin e publikuar në media se 26-vjeçarja ishte paguar për këtë veprim, Artan Hoxha tha se ekziston edhe një pistë tjetër për këtë ngjarje. Ai u shpreh se grupi i hetimit po konsideron edhe pistën e përdorimit të hasmërisë nga një grup tjetër kriminal.
“Atentati i Billës dhe ngjarja e Laçit janë dy ngjarje të zbardhura vetëm ka ngelur për t’u kopsitur pazëlli. Tek Billa ajo që të bën përshtypje është vendi që kanë zgjedhur autorët, ku grupet e strukturuar janë më të rafinuar nuk e bëjnë në një vend të tillë. Ato kanë pasur si objektiv vetëm të kryejnë ekzekutimin. Ajo që më bën përshtypje është dalja shumë shpejt në media e fotografisë dhe fakti që ajo është paguar. Unë dyshoj se ajo mund të ketë thënë se e kanë paguar, por është marrë nën presion nga autorët. Duhet provuar nëse e ka pasur këtë rol dhe a është paguar, ajo del në rolin e hjeksit. Nëse kjo është e vërtetë atëherë ajo është problemi kryesor në të gjithë këtë ngjarje . Grupi i hetimit ka dhe një pistë tjetër nëse vrasja është bërë për hasmëri apo një grup tjetër kriminal ka shfrytëzuar këtë hasmëri dhe ka nxitur hasmin që të marrë hak dhe e ka nxitur duke e paguar që ta vrasë Billën”, ka thënë gazetari. /Opinion.al
