Damian Gjiknuri, në një konferencë për gazetarët, këtë të premte, ka deklaruar se në dijeninë e tij nuk është në hetim nga SPAK, por është i gatshëm që të jap llogari kurdoherë që do i kërkohet.
Gjiknuri tha se posti i ministrit të Energjisë në aferën e Incenaratorëve, ka qenë periferik, ndersa ka theksuar se inceneratorët nuk janë vepra të gabuara.
“Sa i përket hetimit, ky hetim ka kohë që ka nisur, mbi 2 vjet, nuk jam thirrur ndonjëherë, në çdo moment që të më thërrasin, roli i ministrit të energjisë, ka qenë periferik, nuk mendoj që ato vepra janë të gabuara. Nuk ndjej asnjë lloj shqetësimi jam shumë i hapur ndaj lloj sqarimi”, tha Ahmetaj.
Sa i takon udhëtimeve të tij me dy biznesmenët Klodian Zoto e Mirel Mërtiri, në kërkim për inceneratorët Gjiknuri tha:
“Lidhur me udhëtimet që përmendet ju, ato dy episode që nuk kanë lidhje fare dhe janë një vit përpara se të zhvillohej procedura nga ministria ime, janë udhëtime zyrtare, por të njohësh dikë nuk të bën të fajshëm.
Nuk duhet të shqetësohem nga fakti që dikush abuzon në emrin tim, unë shqetësohem për aktet që bëj vetë. Moszbatimi i ligjit nga ana ime do të përbente krim. Për çështjen e holeve e dhashë sqarimin tim dhe do ta jap në prokurori kur të thirrem. Në lidhje me interesave korruptive të X apo Y do t’i vërtetojë drejtësia”.
