Rrjetet sociale janë bërë pikë orjentimi për të parë nëse janë çift dy persona apo jo. Në bazë të “likeve” dhe komenteve kuptohet disi edhe marrëdhenie e tyre. Kohët e fundit është përfolur në media një ndarje mes moderatores së njohur Bora Zemanit, dhe DJ-it Vin Veli.
Çifti simpatik janë kontaktuar nga revista Who, dhe të dy e kanë mohuar ndarjen. Bora pa dhënë shumë detaje është thjesht ka thënë se nuk është ndarë me Vinin. Ndërsa Dj ka treguar edhe arsyen se përse nuk e ndjek më Borën në Instagram. “Për këtë e ka fajin një program që kam instaluar së fundmi në telefon, atij duhet t’i kërkoni llogari për këtë. Madje tani që më kujtuat duhet ta ç’instaloj se më ka hapur shumë punë”, – u shpreh ai duke qeshur.
Babai i Arborit shtoi gjithashtu se si pasojë e angazhimeve të shumta në këtë sezon, jo vetëm në mbrëmje live, por edhe në studio, i ka kërkuar Borës të shkojë bashkë me të birin dhe të vëllain të pushojë në jug. Ai u shpreh se ‘pas humbjes së babait, dy javë më parë, më duhet të rri më shumë pranë shtëpisë, ndaj nuk mund të shkëputem me pushime. Borës ia kërkova unë të shkonte me pushime bashkë me djalin, sepse ajo nuk ka kohë tjetër, dhe unë kam qenë i ngarkuar këto kohë”,-është shprehur Vini për Revistën Who. Epo edhe ne u qetësuam që ata nuk janë ndarë, pasi janë një çift mjaft simpatik.
