Ditën e djeshme në të gjitha mediat sociale ka qarkulluar fotoja e Edi Ramës, që gjatë një vizite në qytetin e Fierit kishte zgjedhur një veshje aspak tipike për një Kryeministër.
Potire, citjane, benevreke, brekushe. Fjalori popullor u vu i gjithi në përdorim për të gjetur fjalën e duhur që do të përcaktonte pantallonat e Kryeministrit, ndërsa gazetarët nisën të aludonin për arsyet që e çojnë Ramën në këto lloj eksperimentesh.
Megjithatë, dikush tjetër duket se e ka gjetur përgjigjen. është Lolita, faqja e njohur e FB, që në një kolazh të postuar mbrëmjen e djeshme është përpjekur t’i japë përgjigje edhe potureve të Ramës.
Ndërsa e monton foton e Ramës në krah të fotos së një modeleje japoneze, Lolita shkruan: është Yamamoto, po t’u shpjegosh modën ju, është si t’i shpjegosh mamjmunit që duhen mbajtur brekë.
A do ishte kjo përgjigja që mund të jepte Rama? Por me siguri, në këto ditë të ngarkuara me ngjarje dhe probleme trafiku nuk besojmë që Rama do të kishte kohë t’u jepte shpjegim edhe potureve.
Megjithatë qytetarët nëpër rrjete sociale vazhdojnë të shfryjnë në një lumë komentesh negative.
