TIRANË-Në një kohë kur avionët e vegjël që nisen nga Shqipëria po pushtojnë italinë me drogë, lind pyetja nëse duhet t’ju kthehemi edhe njëherë moratoriumeve sic ishte ai i skafeve?
Moratoriumi i skafeve
Ligji antiskaf u miratua nga Berisha 8 vite më parë dhe ishte ndër të parat masa të ashpra që u mor kundër trafiqeve. Ky ligj erdhi pas disa tragjedish në det, më i rëndi ai i vitit 2004 ku 21 persona humbën jetën në det dhe 8 të tjerë u zhdukën në atë që njihet si tragjedia e Otrantos.
Ndërsa raste të tjera të trafikut të lëndëve narkotike, nuk kishin të numëruar.
Duke tentuar luftën pa kompromis ndaj trafiqeve, më 3 prill 2006 u votua në parlamtne moratorium i skafeve. Ky votim hasi në kundërshtimin e gjerë të opozitës (Partisë Socialiste), operatorëve turistikë, bashkive të zonave turistike, etj. Pas 4 viteve, kohë kur mbaroi afati i moratoriumit, më 04.02.2010, në parlament u rivotua edhe një herë ligji antiskaf. Saherë që opozita kërkonte abrogimin e këtij ligji, mazhoranca e akuzonte, se “donte të rikthente varrezën e Otrantos”. Në 2010 ligjit iu bënë disa modifikime. U lejua lundrimi i varkave me vela dhee jahteve në ujrat territoriale të Shqipërisë. Efekti i këtij ligji ishte deri në 2013. Tashmë prej më shuëm se dy vitesh, të gjitha mjetet për lundrim janë të lejuara që nga skafet e gomonet e deri tek jahtet.
Moratoriumi i skafeve është kundërshtuar shepsh nga të majtët por edhe operatorët turistike. Sipas tyre për 7 vite me radhë ky ligj dëmtoi rëndë turizmin.
