Këtë foto e kanë quajtur “selfie e parë” e Papa Françeskut, duke marrë menjëherë me mijëra pëlqime dhe komente pasi u postua në Instagram nga një llogari që mbante emrin e Vatikanit.
Por sipas portalit “Mashable”, është e gjitha false.
Imazhi në të cilin shfaqet Papa Françesku i buzëqeshur, është fotografuar nga një video-chat në të cilin Papa morri pjesë vitin e kaluar.
Në profilin e Instagramit me emrin e Vatikanit u postua të hënën kjo foto me mbishkrimin “Selfie e parë e Papës”.
Fotoja morri mbi 8000 like duke tërhequr edhe vëmendjen e mediave si CNN.
Ky profil, i cili ka më shmë se 140.000 ndjekës e përshkruan veten si profili zyrtar i Selisë së Shenjtë. Por në fakt llogaria e verifikuar e Vatikanit në Instagram ka më pak se 50.000 ndjekës.
Papa Françesku nuk është shndërruar ende në Papën e parë që realizon një selfie, por ai njihet si i pari Papë që nisi të përdorë rrjetin social Twitter.
