Ai deklaroi vazhdimisht se nuk posedonte një mjet lundrues. Por sot rezultoi se Saimir Tahiri posedonte një patentë për drejtimin e mjetit lundrues.
Leja e drejtimit u gjend krejt rastësisht në automjetin e një shtetasi të ndaluar sot nga policia e Elbasanit, ndërsa në veturën e tij u gjetën edhe 800 mijë euro.
Ndërsa në media kanë nisur të qarkullojnë edhe fotot e dy patentave të Saimir Tahirit ajo që vihet re është data e lëshimit në njërën prej patentave, pikërisht në 26 korrik 2017 , ndërkohë që patenta e tjetër është lëshuar në 31 korrik.
Në patentën ku nuk lexohet viti i lëshimit (pasi fotografia është prerë pikërisht aty) vihet re se ish-ministri ka qenë më i ri, çka na bën të besojmë që ajo ka qenë patenta e parë e lëshuar, ndërsa e dyta është një rinovim i patentës së parë, pasi edhe fotografia duket që është e disa viteve më vonë.
E gjithë kjo, na bën të besojmë, që Tahiri prej disa vitesh e ndoshta që nga koha kur ishte ministër, posedonte një patentë për drejtimin e një mjeti lundures, ndonëse siç ka deklaruar nuk posedonte një mjet të tillë. / Opinion.al
