Gazetari Artan Hoxha ka folur lidhur me një lajm që po qarkullon në media se Drejtorit të Përgjithshëm të Policisë së Shtetit, Gledis Nano ka dhënë dorëheqjen.
Hoxha shprehet në “ABC” se ende nuk ka informacion zyrat lidhur me këtë çështje. Sipas tij, Nano e kishte pamundur të ndryshonte gjërat brenda policisë duke para inkriminimin që ka përfshirë institucionet por edhe shoqërinë shqiptare.
Gazetari solli në vëmendje pagat e ulëta të efektivëve të policisë, duke thënë se me sasinë e parave që vijnë nga lëndët narkotike në vendin tonë, policët janë lehtësisht të korruptuar.
“Nëse keni vënë re gjatë këtyre ditëve se çfarë ndodhi me zëvendësin e zotit Nano, u zëvendësua nga një oficer tjetër me përvojë nga Neritan Nallbati. Sot është folur për diçka të tillë nuk e di ende. Deri në momentin kur të shohim një akt, ju e kujtoni si u largu Ard Veliu, dorëheqja u duk sikur ishte shkruar në një lokal lagjeje. Në këtë situatë Drejtori i Përgjithshëm i Policisë së Shtetit nuk kishte shumë shanse për të bërë një gjë të madhe. Me këtë inkriminim që ka shoqëria shqiptare, nëse ne mbajmë policë me 480 mijë lekë, si mos e korruptoj unë. Në portin Durrësit u zbarkuan 1 ton kokainë, një ditë më pas në Ishëm u zbarkua 1.2 ton kokainë. Pra brenda 48 orëve u zbarkuan 2.2 ton kokainë, e kuptoni me çfarë paraje kemi të bëjmë”, u shpreh Hoxha.
