Ambasadori italian, Cutillo ishte sot në zyrën e kryeprokures Arta Marku. Një pikëpyetje e madhe për të cilën nuk po flet askush është: A është diskutuar me ambasadorin italian çështja e pajisjes përgjuese MS Catcher?
Bëhet fjalë për pajisjen e përgjimit për të cilën u procedua drejtori i policisë Haki Çako dhe që dyshohet se ka bërë përgjime per llogari të Saimir Tahirit në kohën kur ky i fundit ishte minister.
Deri më sot pajisja ndodhet brenda ambasadës italiane dhe ata nuk ia kanë vënë në dispozicion prokurorisë së Tiranës, sipas kërkesës së tyre për të kryer ekspertizë.
Ekspertimi është kërkuar me letër porosi nga Prokuroria e Tiranës për të cilen pala italiane, pra prokuroria italiane ka kthyer përgjgjje pozitive për kryerjen e ekspertimit brenda territorit te ambasades.
Por, ambasada italiane në Tiranë, në mënyrë të çuditshme nuk e vë ne dispozicion pajisjen përgjuese për llogari të hetimeve në Shqipëri.
Por a mund të ndryshojë kjo situatë me ardhjen e Prokurorit të Përgjithshëm të Përkohshëm?
Haki Çako vazhdon ende të mbaje detyren e drejtorit të Policisë, ndërsa Kryeprokurori është ndryshuar…
/Opinion.al
