Disa njerëz besojnë në dashuri me shikim të parë, por vallë a ekziston? Shkenca thotë “po”! Nuk ju duhet më shumë se një sekond për të vendosur nëse një person është tërheqës apo jo. Është llogaritur se trurit të njeriut i duhen 244 milisekona për të kuptuar gjininë e një personi përballë. Por për të krijuar përshtypjen e parë duhen vetëm 59 milisekonda! Kaq mjafton për të vendosur nëse personi përballë ju pëlqen apo jo.
Një studim i Universitetit të Bambergut ka dalë në përfundimin se tiparet kryesore që mbërthejnë vëmendjen tonë janë sytë dhe buzët. Studimi i universitetit gjerman është botuar në revistën Neuroscience Letters. Grupi i psikologëve studioi funksionimin e trurit të 25 studentëve të rinj. Atyre iu paraqitën 100 foto dhe duhet të vendosnin nëse personi ishte tërheqës apo jo.
Dashuria me shikim të parë fillon nga shikimi dhe buzëqeshja. Nëse dëshironi të jeni tërheqës, pra, është më mirë të jeni rrezatues, pozitivë dhe të qeshur. Por edhe tiparet e fytyrës, simetria e kësaj të fundit luajnë një rol kryesor në impaktin e parë. Të mos harrojmë sjelljen korrekte që transmeton një imazh të sigurisë te tjetri: kokën lart, lëvizjet jo të ngurta. Shmangini duart dhe këmbë të kryqëzuara, të cilat dërgojnë sinjal mbyllës. E fundit, por jo më pak e rëndësishme: shtrëngimi i duarve është një tjetër pikë kyçe. Nuk duhet t’i shtrëngoni shumë.
