Deputetja e Kuvendit, Monika Kryemadhi gjatë një deklarate për shtyp tha se nuk e ka takuar ish-bashkëshortin e saj, Ilir Metën, ndërsa ndodhet në paraburgim.
“Është prej 7 muajsh zero me përjashtim që më ka ardhur padia e divorcit në shtëpi nuk kam më komunikim me të me këtë çështje do të punojmë të ndarë për arsye të mbrojtjes. Dua të them që në parantezë dua të them që masa e arrestit është masë që tenton për të zhvilluar më tej konfliktin familjar tonin, për gjëra të cilat dyshojnë tek unë duan t’ia vendosin Ilir Metës që nuk ka lidhje fare. Edhe sikur të dua unë ta takoj unë, nuk do të pranonte ai, ku ka arrestim më të madh se sa ai shpirtëror, ku ka?! Nuk ia uroj asnjërit nga ju konfliktit familjar që kam unë. S’jemi me shkuesi, jemi dy njerëz që jemi dashur shumë, kemi ecur përdore 33 vite. Kjo çoi në faturën për të paguar një faturë shumë të madhe që nuk ka lidhje me asgjë tjetër”,-tha Kryemadhi.
