Kryeministri Edi Rama ka mbërritur në aeroportin e Rinasit pas vizitës në Gjermani, ku dhe ka mbajtur një konferencë për mediat.
Në këtë dalje të parë publike, kryeministri u pyet nga gazetarët nëse është kërkuar apo jo arrestimi i Saimir Tahirit në këmbim të dhënies së votës pro nga Gjermania në mbledhjen e Qershorit
“Me kancelaren kemi folur në detaje për të gjitha aspektet e raportit të progresit, për ecurinë në 5 prioritet, në mënyrë të vecantë për ecurinë e refirmës në drejtësi dhe patjetër për progresin e bërë me vetingun që sic e dini dhe ju përbën një moment shumë të rëndësishëm dhe ka një vëmendje shumë të vecantë nga të gjithë por edhe nga Kancelaria gjermane”,- u shpreh Rama.
Kryeministri Edi Rama mbylli dje vizitën zyrtare në Berlin pak ditë pasi Komisioni Europian i propozoi Këshillit hapjen e negociatave me Shqipërinë.
Gjatë takimit me kreun e qeverisë shqiptare, kancelarja Merkel foli për disa parakushte që duhet të plotësohen deri në qershor kur do të zhvillohet edhe takimi i kryeministrave të vendeve të BE-së.
Ndërsa deputetët gjermanë, të majtë e të djathtë, gjatë takimit me Ramën ngritën shqetësim bllokimin në Parlament të kërkesës së Prokurorisë për arrestimin e ish ministrit të Brendshëm, Saimir Tahiri.
Kreu i qeverisë do të kthehet sot në orën 16:00 në Tiranë dhe siç njofton zyra e tij e shtypit do të mbajë një konferencë për mediat.
