Kryeministri Edi Rama nga Panairi i Turizmit në Berlin, u shpreh se imazhi i Shqipërisë ka ndryshuar shumë dhe se këtë vit presim gjysmë milioni gjermanë.
Gjithashtu Rama ka zhvilluar edhe rubrikën “Sy më Sy” ku i është përgjigjur komenteve të ndjekësve në Facebook. Një prej pyetje që lexoi kryeministri nga një ndjekës në Facebook, ishte “A e kalon do oqeanin?”
Në përgjigjen e tij, Rama theksoi se nuk ka pasur asnjëherë probleme me oqeanin dhe se “e kalon sa herë të dojë”. Gjithashtu ai theksoi se ka edhe një surprizë, edhe për “kënetën”, për të cilën tha se do të merret vesh.
“Unë me oqeanin, nuk kam pasur probleme, por ti qenke zgjuar në kënetë. Unë e kaloj oqeanin sa herë të dua dhe mos u çudit fare kur ta shikosh që do ta kaloj, por dua t’i bëj një surprizë të këndshme ty edhe kënetës, por nuk po flas më shumë…”, tha ai.
