Kryeministri Edi Rama, ngriti dyshime dje nga foltorja e parlamentit, ndaj ish-kryeministrit Berisha, se këtij të fundit i ishte ndaluar viza nga Departamenti Amerikan i Shtetit.
Ai i bëri një pyetje ish-kryeministrit Berisha: “Sali ti e kapërcen dot oqeanin me dasht”, duke lënë të nënkuptohej se SHBA ia kishte ndaluar Berishës hyrjen në tokën e saj.
Kjo akuzë e hedhur në formën e dyshimit nga kryeministrit Rama, u hodh poshtë nga ish-kryeministri Berisha, si në sallën e Kuvendit, jashtë saj, por edhe në lidhjen telefonike mbrëmë me emisionin “Opinion”.
Berisha tha në formë të prerë se në mënyrë absolute nuk ka një mesazh të tillë për refuzim vize, edhe pse ai vetë ka kohë që nuk udhëton dhe tashmë është një person privat dhe jo zyrtar.
Ditën e sotme ka qenë kryeredaktori i Gazetës Shqiptare, Erli Murati, ai i cili i është drejtuar Departamentit të Shtetit, për një informacion mbi rastin në fjalë.
Në përgjigjen kthyer gazetarit Murati, zyra e Çështjeve publike në DASH u përgjigj:
“Rastet e refuzimit të vizës që lidhen me çështje të korrupsionit të cilat Departamenti i Shtetit ka zgjedhur t’i publikoje, ndodhen këtu: https://www.state.gov/j/inl/rls/prsrl/2018/index.htm.
Siç shikohet edhe në likun e dërguar nga DASH, por edhe në përgjigjen që jep zyrtari amerikan, emri i ish-kryeministrit Sali Berisha nuk figuron ndër politikanët shqiptarë që u është ndaluar hyrja në Shtetet e Bashkuara të Amerikës.
Përgjig
