“Tuna është shtatzënë” ishte lajmi që pushtoi këtë javë të gjitha mediat rozë dhe pas tij edhe lajmi tjetër “zbulohet babai i fëmijës së Tunës”.
Fillimisht, lajmi u përhap nga mediat kosovare, të cilat shkuan edhe më tej duke shkruar se këngëtarja e njohur është në muajin e shtatë të shatzënisë.
Disa ditë më vonë, edhe një lajm tjetër se këngëtarja ishte në muajin e katërt dhe se babai i fëmijës nuk ishte Cozman, siҫ pretendohej, por Patris Berisha, vëllai i Robert Berishës, me të cilin Tuna është parë të shoqërohet kohët e fundit, i ka bërë edhe më konfuze mediat dhe portalet online.
Në një kohë kur nuk ka asnjë konfirmim zyrtar nga vetë protagonistët e lajmit, edhe kjo fundjavë në faqet rozë nuk e ka lënë jashtë vëmendjes shtatzëninë e këngëtares shqiptare nga Maqedonia.
Sulementi “Bluetooth”, duke cituar burime pranë artistes 31-vjeҫare, ka mohuar shtatzëninë e saj, por shton se kanë qenë pikërisht miqtë e afërt të artistes që kanë shpërndarë lajmin e pavërtetë. Arsyeja mendohet të jetë zhurma në rrjetet sociale dhe rikthimi i vëmendjes nga Tuna dhe projekti i saj i ri “Bermuda”, që pritet të publikohet në fillim të nëntorit.
Indiferente ndaj thashethemeve mediatike, Tuna ka postuar dje një kolazh me foto nga koncertet e saj të fundit, pa shqetësimin dhe shenjën më të vogël të një shtatzënie të mundshme.
Nga ana tjetër, për “Bluetooth” kanë folur edhe miq të Cozman-it, të cilët janë shprehur se reperi dhe Tuna kanë më shumë se një vit të ndarë, ndaj nuk ka se si ai të jetë babai i fëmijës (nëse Tuna është shtatzënë), ndërsa Patris Berisha apo miq të tij të afërt nuk kanë reaguar fare për lajmin e shtatzënisë së Tunës.
Siҫ kanë deklaruar miq pranë artistes, lajmi për shtazëninë e saj ka rikthyer edhe një herë vëmendjen nga Tuna dhe kjo jehonë ka shtuar edhe më shumë interesin e publikut ndaj këngëtares së hitit “Fenix”.
