I ftuar në emisionin “Të Paekspozuarit” në News 24, Presidenti Meta ka folur edhe për lajmet që lidhjen me njohjen dhe mbështetjen që Balili ka pasur nga LSI.
Rakipi: Qarkullojnë fjalë se Balili ka qenë i lidhur me PD-në, më pas tek partia juaj dhe së fundmi tek partia që jemi tek Rilindja… Ju si parti, që keni qenë, jeni akuzuar se keni pasur lidhje me Balilin, si është e vërteta?
Meta: E para, ajo që dua t’iu them është se e përshëndes faktin që më në fund, Balili, një person i akuzuar për trafiqe mjaft serioze do përballet me drejtësinë.
E dyta, pavarësisht nga dobësia e agjencive tona për të realizuar një aksion të drejtpërdrejtë është ky presion i gjithanshëm, përfshirë dhe partnerët tanë ndërkombëtarë, që e detyron këtë person të përballët me ligjin.
Në kohën që kam drejtuar LSI-në, Rigers Balili (nipi i Kelemend Balilit) që është kryetar i Delvinës është një person i verifikuar nga të gjithë, siç janë verifikuar të gjithë kryetarët e bashkive, proces vetingu ky ku u përfshinë dhe ambasadat. ishte një person tërësisht i besueshem dhe me te dhënat e duhura për të kandiduar.
Unë se kuptoj se çfarë lidhje mund të thuhej apo çfarë mbështetje ka pasur ky veçanërisht kur është akuzuar. Për sa i takon raportit, s’mund te them që nuk i kam dhënë dorën në rastin e përurimit të Santa Quaranta-s, por s’kam pasur asnjë takim të veçantë. Asnjëherë s’me është thëne nga policia apo SHISH, ‘shiko që mos kontakto me ketë person se ka këtë apo ato probleme’.
Kur është akuzuar kam kërkuar mbledhje të sigurisë kombëtarë e kërkuar arrestimin e tij. Pak kohë më parë, për këtë çështje, i kam thënë edhe partnerëve tanë më të rëndësishëm. Unë si president nëse s’besoni se policia, agjencitë tona, s’kanë vullnetin për ta arrestuar këtë personin jam gati të sillni forca speciale, logjistike për të arrestuar këtë apo çdo person që duhet të përgjigjet para drejtësisë
