Përpara disa muajsh reperi i njohur Noizy u vu në qendër të vëmendjes nga ana e mediave për shkak të fshirjes së tatuazhit të tij më domethënës që mbante në trup. Bëhet fjalë për tatuazhin e ish-partneres, të cilën ai e ka konsideruar si dashurinë e vetme të jetës së tij pasi u njoh me të para se të mbushte 20 vjeç, shkruan opinion.al.
Fryt i dashurisë së tyre është Leandra, e cila sot është 10 vjeçe. Noizy në çdo intervistë publike ka shprehur konsideratë dhe respektin për mamanë e Lendarës, ashtu siç edhe ka treguar se me Leandrën takohet rrallë dhe se ajo i mungon së tepërmi.
Por çfarë e ka tërhequr Noizyn tek ish partnerja, mamaja e vajzës së tij dhe a e ka harruar ai sot atë? Mamaja e Leandrës është një vajzë e thjeshtë dhe tepër simpatike aspak e ngjashme me vajzat e tjera me të cilat Noizy shoqërohet dhe mbase kjo ka qenë arsyeja që ai nuk mundi dot ta zëvendësonte atë.
Ajo është 4 vite më e madhe se këngëtari dhe sipas thashethemeve ajo e ka tradhtuar atë gjatë kohës kur kanë qenë bashkë, duke ia pohuar vetë këtë gjë, çka ka çuar drejtë fundit të lidhjes së tyre.
Disa muaj më parë reperi fshiu portretin e ish-partneres së tij dhe e zëvendësoi me një mikrofon dhe një kurorë, që simbolizon muzikën, ndoshta dashurin reale e aktuale të reperit. Kjo tregon se Noizy e ka harruar tashmë dashurinë e parë, por ai është treguar tepër i rezervuar me jetën e tij personale sa i përket lidhjeve apo marrëdhënieve me femrat, asnjëherë publikisht ai nuk ka treguar detaje dhe nëse ndodhet në lidhje me dike./opinion.al
